Kris Atovksa sjell ekspozitën “#StandWithUkraine” në KultPlus Caffe Gallery

29 Mars, 2023 - 3:12 pm

Kris Atovksa është gazetarja e vetme e Maqedonisë së Veriut që ka qëndruar për tre muaj në Ukrainë, e cila edhe ka realizuar shumë fotografi të luftës, fotografi që po prezantohen nëpërmjet ekspozitës #StandWithUkraine, ekspozitë që është prezantuar në Maqedoninë e Veriut dhe në Shqipëri, e që e njëjta do të prezantohet edhe në Prishtinë, shkruan KultPlus.

Atovksa do të prezantojë një numër të madh të fotografive që shpërfaqin krimin mbi civilët ukrainas, por në të njëjtë kohë do të shfaqet edhe dokumentari i filmit “Siren Lullabies” që është realizuar po nga Atovksa.

Ekspozita dhe prezantimit i filmit dokumentar do të bëhet në KultPlus Caffe Gallery, më 5 prill në ora 19:00.

Kjo është ekspozita  e tretë e autores me këto fotografi, pas Shkupit dhe Tiranës, dhe pas prezantimit në Prishtinë, fotoreporterja Atovska synon që këtë ekspozitë ta dërgojë edhe në vende të tjera. Ekspozita organizohet nga KultPlus Caffe Gallery dhe Flori Zaevi/ KultPlus.com

Të ngjajshme