Mbyllet dita e parë e shkollës verore “Shkodra qyteti i biçikletave”

20 Gusht, 2018 - 10:30 pm

Drejtoria Rajonale e Kulturës Kombëtare të Shkodrës (DRKK) në bashkëpunim me bashkinë Shkodër dhe me OJF-në “The Door” mbyllën ditën e parë të shkollës verore “Shkodra qyteti i biçikletave”, e cila ka si qëllim realizimin e 10 boceteve të vegjël arti me simbol biçikletën.

Pjesëmarrësit ishin të grupmoshave dhe profesioneve të ndryshme si artistë, ekonomistë, arkitektë të cilët janë artdashës dhe artistë të talentuar.
Dita e parë u organizua pranë zyrës së “The Door” në ora 09:30, më pas puna u vazhdua në ambientet e stadiumit “Loro Boriçi”, nën drejtimin e specialistit të DRKK Shkodër, Petrit Bilali si dhe asistencën teknike të specialistes të DRKK Shkodër, urbanistes Sabrina Kuçi.

Shkolla do të zgjasë 5 ditë nga 3 orë në ditë.
Gjatë shkollës do të ndërtohen ide të ndryshme për ngritjen e monumentit të biçikletës.

Vepra do të realizohet teknikisht nga Alket Camaj, mjeshtri i hekurit, i cili do të angazhohet në realizimin teknikisht të njërit prej punimeve. /e.caushi/KultPlus.com

Të ngjajshme