Tamara de Lempicka, një piktore e njohur polake, është e veçantë në artin e saj të bukur.

Një pikturë e vitit 1923, “Les Deux Amies” tregon hyjninë e trupave të grave.

Tamara njihet për pikturat e saj ‘hijerënda’ dhe për Art Deco portretet e aristokratëve dhe njerëzve të pasur.

Fanse e kësaj piktoreje është Madonna, e cila ka blerë disa piktura të saj. Edhe Barbra Streisand dhe Jack Nicholson kanë piktura nga ajo.

Tamara ka lindur në vitin 1898 në Poloni, ndërsa më pas u shpërngul për në Rusi dhe vazhdoi për në Paris. Ajo ishte biseksuale, dashuronte burrat dhe gratë dhe njihej për stilin e veçantë të aferave të ndryshme brenda shoqërisë së lartë franceze.

Në vitin 1929 ajo realizoi pikturën “Autoportrait, Tamara në një bugati të gjelbër” që më pas doli në ballinën e revistës gjermane Die Dame.

Pikturat e saj kanë ndihmuar shumë në fuqizimin e seksualitetit të gruas, pasi një pjesë e punëve të saj e paraqesin gruan të zhveshur dhe të kënaqur me pamjen e saj dhe me pjesët e trupit, kjo në një kohë kur trupi mbështetej më shumë në fshehje sesa në zbulim.

Tamara vdiq në vitin 1980 në Meksikë. / KultPlus.com