Republika e Kosovës po merr pjesë për herë të katërt në ekspozitën e 58-të ndërkombëtare të Artit – La Biennale di Venezia, ku perfaqësohet nga artisti Alban Muja.

Puna e tij është e influencuar nga proceset sociale, politike dhe ekonomike të transformimit në rajonin më të gjërë. Ai hulumton historinë dhe temat socio-politike dhe i lidhë ato me pozitën e tij në Kosovë sot.

Pavioni do të udhëhiqet nga Vincent Honore, një kurator i njohur francez i cili ka qendrën në Londër. Me një fokus të veçantë në ekspozita, ai përfshinë mënyra alternative të ekspozimit ku rëndësi të lartë ka angazhimi sa më i madh i audiencës, përmes projekteve ndërdisiplinare. Komisionerja e Pavionit të Kosovës në ekspozitën e 58-të ndërkombëtare të artit të Bienales së Venedikut që përfaqëson vendin është Arta Agani, Drejtoreshë e Galerisë Kombëtare të Kosovës.

Alban MUJA (i lindur më 1980 në Mitrovicë) është një artist vizual nga Kosova. Ai ka diplomuar në Bachelor dhe Master në Fakultetin e Arteve të Universitetit të Prishtinës. I ndikuar kryesisht nga proceset e transformimit social, politik dhe ekonomik në rajonin e më gjërë, ai heton historinë dhe temat socio-politike, si dhe i lidhë ato me pozitën e tij në Kosovë sot.

Veprat e tij mbulojnë një gamë të gjërë mediash, duke përfshirë video instalime, filma të shkurtër, filma dokumentarë, vizatime, piktura, fotografi dhe performanca, të cilat janë ekspozuar gjërësisht në ekspozita të ndryshme grupore dhe individuale, duke përfshirë “Muzeun e Artit Kumu” Talin/ Estoni, “Muzeu i Arteve Guangdong’ Kinë, “Muzeu i Artit bashkëkohor” Shkup/ Maqedoni, “Meat Factory” Pragë/ Republika e Çekisë, Forum Stadpark Graz/ Austri, “James Gallery” Split/ Kroaci, “Trieste Contemporanea” Itali, Muzeu i Artit Modern dhe Bashkëkohor të Rijekës në Kroaci, Galeria e Arteve Zacheta Nationale e Varshavës Poloni, “Forumi Kulturor Austriak” Nju Jork,
“Galeria e Shkuc” Lubjanë/ Slloveni, “Galeria Kombëtare e Kosovës” Prishtinë/ Kosovë, “Myymala2 Gallery” Helsinki/ Finlandë, “Qendra e artit Bashkëkohor Stacion”, Prishtinë/ Kosovë, “Galeria e Nikodimit” Bucharesh/ Los Angjelos, “Ludvig Museum” Budapest/ Hungari, “Gagosian Gallery” Beverlli Hills, “Mardin Bienle” Turqi, “Staatliche Kunsthalle” Baden-Baden/ Gjermani, “Bienalja e dytë e artit bashkëkohor në strehën atomike në Konjic/ BeH, “28 Bienalja Grafike e Lubjanës” në Slloveni,”Galeria Kombëtare Sllovake”, “Muzeu i Artit Bashkëkohor të Vojvodinës”
Serbi, “Berlinale 60”, Gjermani, “Galeria Mestna” Lubjnë/ Slloveni, “NGBK”, BERLIN” Gjermani, “Brot Kunsthalle” Vjenë/ Austri, “Muzeu i Arteve” Goteborg/ Suedi, “Cetinje Bienale 5” Mali i Zi, “Galeria Nova” Zagreb/ Kroaci, etj.

Vincent HONORE është një kurator me qendër në Londër duke punuar kryesisht me artistët bashkëkohorë. Ekspozitat e tij tentojnë të propozojnë mënyra alternative të shfaqjeve dhe përvojës së artit për të rritur angazhimin e audiencës përmes projekteve ndërdisciplinare dhe performancave.
Honore është pjesë e ekipit kuratorial të cilët hapën Palais De Tokyo në Paris (2001-2004), ku ishte në krye të ekspozitave së bashku me udhëheqjen e të gjitha veprimtarive botuese (nga fabrikimi deri te shpërndarja) dhe përmbajtjes në internet. Si anëtar i departamentit kuratorial në Tate Modern në Londër nga viti 2004-2007, ai organizoi një numër të madh të ekspozitave individuale të artistëve bashkëkohorë dhe modern (Pierre Huyghe, Catherine Sullivan, Hans Hacke, etj), ekspozita konceptuale grupore dhe të organizuara, si dhe programe të edukimit.

Arta Agani – Komisionere

Arta Agani është drejtoreshë e Galerisë Kombëtare të Kosovës. Agani është gjithashtu profesoreshë e tipografisë në “Akademia Evolution” për Dizajnin dhe Komunikim në Prishtinë. Ka diplomë Master në Dizajn Grafik në Fakultetin e Arteve në Universitetin e Prishtinës dhe ka diplomuar në Dizajn Grafik në UP. Agani ka një përvojë të madhe në kurimin e ekspozitave, mësimdhënies, si dhe menaxhimin e projekteve të ndryshme artistike. Agani ka njohuri të gjëra rreth arteve globale dhe lokale dhe pozita e saj e fundit në institucionin më të rëndësishëm kulturor në Kosovë është një mundësi e shkëlqyeshme për Aganin që të mbështesë zhvillimin e arteve Kosovare.