Profesori Izet Curri dhuron lule për studentet e Institutit të Modës në Shkup

8 Mars, 2019 - 12:50 pm

Izet Curri është një shembull i veçantë i një ligjëruesi.

Mes përqafimeve e buzëqeshjeve, e nisin çdo ditë studentët e Institutit Ndërkombëtar të Dizajnit të Modës “Izet Curri” që ndodhet në kryeqytetin e Maqedonisë. Kurse për çdo 8 mars, profesori Curri vjen me duart e mbushur plot me lule që ua dhuron studenteve të këtij instituti.

Izet Curri është një stilist i mahnitshëm, një dizajner kostumesh dhe një ligjërues me një karrierë 37 vjeçare në Akademinë e Masterit Francais. Pas karrierës së tij të shkëlqyer në Paris, ka krijuar edhe dy shkolla, një në Kosovë dhe një në Shkup: “Design Factory” dhe ” Instituti Ndërkombëtar i Dizajnit të Modës “Izet Curi”. Vitin e kaluar, ai ka fituar çmimin “Inspirational Visionary Award 2018” në Slloveni, shkruan KultPlus.

Izet Curri mendon se është e turpshme që vendet me potencial e më shumë talent nuk janë në gjendje ta zbulojnë kapacitetin e talentëve që kanë. Ai mendon se në Evropën Juglindore ka industri, por nuk ka modë. Ndikimi i modës, domethënë, rrjedh gjithmonë nga vendet më të fuqishme si Franca, Italia ose Anglia./ KultPlus.com

Të fundit

Të ngjajshme