“Leonardo Opera Omnia” quhet ekspozita shëtitëse, me rastin e 500-vjetorit të mjeshtrit italian. Ekspozita me ndodhet edhe në Muzeun Historik Kombëtar në Tiranë, ku shfaqen 17 riprodhime të cilësisë së lartë të veprave të Leonardo da Vincit.

“Të gjitha janë digjitalizuar me një rezolucion shumë të lartë. Janë ndriçuar me një sistem teknologjik që zëvendëson absolutisht bukurinë e jashtëzakonshme të veprave të Leonardos”, shprehet Alessandra Bertini Malgarini, drejtore e Institutit italian të Kulturës.

“Xhokonda”, “Virgjëresha e Shkëmbinjve”, “Gruaja me fëmijë” apo “Darka e Fundit”… Për organizatorët veprat e tij janë të një vlere të lartë edukative, prandaj ato duhen parë nga sa më shumë njerëz.

“Për shembull ‘Darka e Fundit’, për t’u parë në Milano ka radhë të gjatë. Pastaj duhet të rrish vetëm pak minuta, sepse mund të dëmtohet. Këtu në fakt e kemi me përmasa origjinale. Mund të afrohemi. Mund të shohim me saktësi të gjitha detajet”, sqaron Malgarini.

Këto vepra janë shpërndarë në Afrikë, Poloni, do të shkojnë më pas në Algjeri etj. Ndërsa, për publikun shqiptar do të qëndrojnë deri më 10 gusht. /KultPlus.com