Sonte në Tiranë, oxhaku i Sead Kazanxhiut vjen në Galerinë Zeta

30 Tetor, 2018 - 5:31 pm

Një ekspozitë që ia vlen të vizitohet vjen sonte në Tiranë.

Në Galerinë Zeta në Tiranë sonte vjen artisti Sead Kazanxhiu. Ekspozita hapet në ora 19:00.
Ekspozita ‘Në Oxhakun Tim’ sonte e sjellë artistin në disa mediume artistike, duke nisur me fotografitë, videon, instalacionin dhe vizatimet në letër.

Ekspozita e Kazanxhiut, siç shkruan kuratori Marko Stamenkovic, fokusohet në atë se si duhet ballafaquar me paragjykimet racore në anën e errët të demokracisë evropiane, në një periferi të kapitalizmit neo-liberal.

Rreth po këtij oxhaku vijnë kujtimet e së kaluarës, kujtimet familjare, të humbura por të kalitura përgjithmonë në kujtesë dhe tani vijnë të ekspozuara para publikut shqiptar.

Një tregim vizuel për nderimin e shpirtrave të stërgjyshërve dhe ekzistencën e tyre të vazhdueshme në një shtëpi e cila më nuk ekziston. Një oxhak që u desh të shkatërrohej para disa vitesh, bashkë me shtëpinë e vjetër 55 vjeç e cila u shkatërrua që të ndërohej një tjetër më e re.

Ekspozita hapet sonte, për ata që duan ta zbulojnë më nga afër ekspozitën e Kazanxhiut, shkruan KultPlus.
Është po ky oxhak që me anë të Kazanxhiut sfidohet, sfidohet edhe ideja e të jetuarit bashkë, e një dhome kryesore, ideja e largimit njerëzor, e shpërnguljes njerëzore.

Ekspozita ‘Next to my chimney’ do të qëndrojë e hapur deri me 12 nëntor në Zeta Gallery.
Sead Kazanxhiu ka lindur në Fier në vitin 1987 ndërsa ka realizuar tetë ekspozita, përfshirë këtu ekspozimet në Tiranë, Bruksel e Berlin. Ai vjen nga një familje rome shqiptare, një histori e së cilës do të jetë edhe pjesë e rëndësishme e ekspozitës në fjalë. / KultPlus.com

Të ngjajshme