Artisti Vigan Nuza do të hapë ekspozitën e tij të radhës.

Nuza, me datë 10 maj do të hapë ekspozitën “Shine” në Prishtinë, në lokalin ‘Argjendaria Dua’, përballë ndërtesës së Komunës së Prishtinës.

Ekspozita hapet në ora 16:00, ndërsa Nuza është përkujdesur që edhe kësaj radhe të na befasojë me një hulumtim rreth trashëgimisë kulturore, që lidhet edhe me lokacionin ku do të mbahet ekspozita, shkruan KultPlus.

Gurët e çmuar janë kësaj here inspirimi i Nuzës, sidomos një i tillë i cili ka vlerë shumëvjeçare, punuar nga dora e njeriut. / KultPlus.com