Në Galerinë e Fakultetit të Arteve në Prishtinë të hënën u hap ekspozita kolektive “Ekspo për mërgatë” me temën “Ndërmjet artit konceptual dhe atij tradicional”.

Organizator i ekspozitës ishte Ilir Muharremi i cili edhe e bëri hapjen e ekspozitës.

Dy dhoma të Galerisë së Fakultetit të Arteve ishin të mbushura me punime. Dhoma e parë dominohej nga pikturat abstrakte, ekspresive, reale, impresive, grafika dhe një skulpturë. Temat ishin nga imagjinata e artistëve, disa arkeologjike, disa të tjera edhe reale.

Ndërsa, në dhomën e dytë konkretisht të arti konceptual ishin vetëm tre artiste. “Ana e errët e hënës”, ishte një punim nga artisti Bekim Korça. Aty paraqitej hëna dhe një banane. Qëllimi i këtij punimit është të hulumtohej se çfarë fshihet në këtë anë të errët të hënës. Aty artisti Korça zbulon bananet. Lëvoret e bananes i kishte shtrirë në gjithë dyshemenë e galerisë, derisa në mes qëndronte një tepsi e mbushur me banane të qëruara. Ato banane i shërbenin publikut si koktej i ngjarjes.

Pastaj, një punim tjetër në këtë dhomë ishte nga artisti Rifat Kasapolli. Ai kishte instaluar në pëlhurë pjesë nga xhinsit, kishte bashkuar zanatin e vjetër të Pejës, tekstilin në art.

Ndonëse, edhe artisti Eroll Murati u prezantua me një instilacion me ndriçim i cili kishte kornizë të vjetër.

Artistët e tjerë pjesmarrës janë: Agron Mulliqi, Agnesa Muharremi, Avni Behluli, Agim Kryeziu, Arbnor Morina, Besim Geshi, Bekim Korca, Bujar Jakupi, Bedri Haziraj, Bislim Elshani, Driton Kastrati, Eroll Murati, Esat Valla, Florie Bajraktari, Isuf Gallapeni, Klodian Valla, Merita Myderizi Maloku, Majlinda Kelmendi, Rifat Kasapolli, Sali Shkupolli, Shyqri Gjurkaj, Shahadin Mejzini, Veton Gusia dhe Xhevdet Spahija.

Ekspozita do të qëndrojë e hapur një muaj ndërsa u përkrahë nga Ministria e Diasporës./ KultPlus.com