займ на карту онлайн потребительский кредит

15 vjet nga ikja në amshim e aktores së shquar Melihate Ajeti

26 Mars, 2020 - 9:30 pm

Melihate Ajeti lindi më 9 tetor 1935 në Prishtinë; vdiq më 26 mars 2005 në Prishtinë. Semimaturën e kreu në Prishtinë. Vijoi shkollën e aktrimit në Prishtinë dhe bëri një specializim në Paris (Comedia Française). Aktorja numër një e teatrit Prishtinas. E nisi aktrimin si 16 vjeçare më 1951 në Teatrin Krahinor të Kosovës dhe shkriu në skenë 180 role kryesore me të cilat dëshmoi talentin, bukurinë e kapacitetin e madh prej aktoreje: Zullumqari, Vajza pa pajë, Zonja me kamelie, Besa, Sikur të isha djalë, Halili e Hajrija, Erveheja, Hanka, Hamleti, Shtetrrethimi, Othello, Ana Karenina, Vdekja e një mbretëreshe, Svinga e Gjallë, Magbethi, Antigona, etj.

La gjurmë të pashlyera edhe në kinematografin Kosovare e Jugosllave: Uka i Bjeshkëve të nemuna, Buka, Zonja me kamelie, Etja, Trimi, Lepuri me 5 këmbë, Era e Lisi, Erveheja, Kur Pranvera vonohet, Të ngujuarit, E shtëna në ajër, Othello, Përroi vërshues, Migjeni, Gjurmët e bardha, Magbethi, Dorotej, etj.

Shpërblimet e lëvdatat e panumërta: Për Zonjën me Kamelie – Shpërblimi i dhjetorit (1963). Joakim Vujic (1972) dhe (1975) për Hajrijën dhe Svingën. Shpërblimi i Shoqatës së Artistëve të Jugosllavisë për Ervehen (1971). Çmimi më i lartë i punës (1976). Më 1985 shpërblimi i parë për rol femre në “Shtetrrethimin” në festivalin Joakim Vujic.

Këto janë vetëm disa mirënjohje që dëshmojnë se Melihate Ajeti, nga femrat tona e para e më të merituara – Doajenja e Teatrit Kombëtar të Kosovës – Primadona e skenës shqiptare.

Veprimtaria

Teater

  • Zullumqari
  • Vajza pa pajë
  • Zonja me kamelie
  • Besa
  • Sikur të isha djalë
  • Halili e Hajrija
  • Erveheja
  • Hanka
  • Hamleti
  • Shtetrrethimi
  • Othello
  • Ana Karenina
  • Vdekja e një mbretëreshe
  • Svinga e Gjallë
  • Magbethi
  • Antigona

Filmografia

  • Uka i bjeshkëve të nemuna
  • Buka
  • Etja
  • Trimi
  • Lepuri me 5 këmbë
  • Era e lisi
  • Kur pranvera vonohet
  • Të ngujuarit
  • E shtëna në ajër
  • Përroi vërshues
  • Migjeni
  • Gjurmët e bardha
  • Dorotej /KultPlus.com

Të ngjajshme