Pas një numërimi mbrapsht që nisi përpara 24 orëve, më në fund u publikua traileri i sezonit të ri të serialit “La Casa de Papel”. Nga traileri, edhe pse i shkurtër, duket se ngjarjet do jenë po aq të papritura sa në sezonet e mëparshme dhe kësaj radhe grabitësit “ose do t’ia dalin përsëri ose do të vdesin”.

Ajo që po i bën njerëzit edhe më kuriozë është postimi i Alvaro Morte-s, aktorit që luan “Profesorin”, i cili shkruan:

“Prit pak, po profesori ku është?” – referuar posterit pa profesorin (por ndoshta jo vetëm).

Sezoni i fundit i “La Casa De Papel” (Money Heist) do të publikohet në dy pjesë, pjesa e parë do të dalë më 3 shtator dhe e dyta më 3 dhjetor, tha Netflix.

“Kur filluam të shkruajmë pjesën e 5-të në mes të pandemisë, ne menduam se duhej të ndryshonim atë që pritej nga sezoni me 10 episode dhe përdorëm çdo mjet që mundëm për të krijuar ndjesinë e një finaleje të sezonit ose finaleje të serialit, ”tha (via Deadline) Álex Pina, krijuesi i “La Casa De Papel”. “Ne vendosëm të punojmë në një zhanër jashtëzakonisht agresiv./ KultPlus.com

https://www.instagram.com/tv/CSExRIHjbCc/?utm_source=ig_embed&ig_rid=406ecd52-cd6e-4bda-8b0b-41b227e46c53