‘Farmer’s Blues’ me regji të Ibër Dearit, pjesë e festivalit të filmit Kosh Film Fest

19 Dhjetor, 2020 - 7:27 pm

“Farmer’s Blues” filmi me regji të Ibër Dearit është përzgjedhur që të jetë pjesë e festivalit të filmit Kosh Film Fest, shkruan KultPlus.

Lajmin e ka bërë të ditur vet regjisori i filmit përderisa ka shkruar se ky është edhe nominimi i dhjetë për këtë film.

“Ky fundvit po na sjell edhe nje lajm tjeter te gezueshem per filmin tone. ‘Farmer’s Blues’ eshte perzgjedhur qe te jete pjese e festivalit “KOSH FILM FEST”. Njeherit ky eshte edhe festivali i 10 per filmin. Faleminderit gjitheve per përkrahjen”,  ka shkruar ai.

Kujtojmë se “Farmer’s Blues” është përzgjedhur edhe si filmi më i mirë i festivalit në Maqedoni, në kategorinë e filmave të metrazhit të shkurtë, përkatësisht në festivalin ‘Beach Film Festival Ohrid që është mbajtur në muajin korrik. Gjithashtu ky film është përzgjedhur që të jetë pjesë e festivalit të filmit në Brazil Lobo Fest: Festival Internacional de Filmes në nëntor të këtij viti.

Muzika ishte pjesë e përditshme e jetës së tyre, e bashkë me muzikën ishte edhe gjyshi, ngase ai e dëgjonte atë çdo ditë e në çdo kohë. Por, është pikërisht muzika ajo që ndalet që në fillim të këtij filmi, ndalja e muzikës shënoj vdekjen e gjyshit. Kurse vdekja e gjyshit, e në të njëjtën kohë babait të Vedait, i solli familjes përballjen zinxhirore me borxhe. Filmi i metrazhit të shkurtër “The Farmer’s Blues” sjell raportin e një familjeje, babë e djalë, bashkë me rrethanat në të cilat i kishte përplasur jeta.

Muzika e Luan Hajrës e shoqëron fillimin dhe pikërisht kënga “Lulzoj fusha, lulzoj mali”, është ajo që shënon përfundimin e këtij filmi, që nuk ju deshën më shumë se katër ditë të përfundonte xhirimet, mu në Sllupçan, fshatin e Kumanovës./ KultPlus.com

Të fundit

Të ngjajshme