Filmi ‘Martesa’, këtë herë në Festivalin e Filmit në Sarajevë

9 Korrik, 2018 - 2:12 pm

Filmi ‘Martesa’ me regji nga Blerta Zeqiri do të shfaqet në Festivalin e Filmit në Sarajevë.

Një prej festivaleve më të mira të filmit në Ballkan, Festivali i Filmit në Sarajevë këtë vit do të shfaqë filmin në kuadër të programit In Focus 2018.

Në mesin e tetë filmave në program është edhe filmi që pati jehonë të madhe edhe në Kosovë dhe gjeti shikuesit e tij kudo – “Martesa”, shkruan KultPlus.

Në rolet kryesore në këtë film janë Genc Salihu, Adriana Matoshi dhe Alban Ukaj.

Filmi “Martesa”, që u përkrah financiarisht nga Qendra Kinematografike e Kosovës (QKK), flet për një trekëndësh dashurie pranë dhe gjatë një martese.

Festivali i Filmit në Sarajevë fillon me datë 10 gusht. / KultPlus.com

Të ngjajshme