займ на карту онлайн потребительский кредит

Gillian Anderson do ta luajë rolin e Margaret Thatcher në “The Crown”

10 Shtator, 2019 - 4:30 pm

Gillian Anderson është e entuziazmuar që e ka fituar rolin si Margaret Thatcheri e “frikshme dhe ikonike” në sezonin e katërt të ardhshëm të “The Crown”.

Aktorja do ta marrë rolin e ish-kryeministres së Britanisë, e cila shërbeu si udhëheqëse e Partisë Konservatore dhe e mbajti detyrën e kryeministres nga viti 1979 deri në vitin 1990. Dhe derisa Thatcher ishte një figurë kontroverse, Anderson (51) e pranon se mezi pret të hulumtojë se çfarë ka “nën sipërfaqen” e personazhit në fjalë.

“Jam shumë e entuziazmuar që do t’u bashkohem kastit dhe ekipit të “The Crown” dhe që do ta kem mundësinë ta portretizoj një grua kaq të komplikuar dhe kontroverse”, tha ajo në një deklaratë në mediat sociale. “Thatcher ishte padyshim e frikshme, por me kënaqësi do të eksploroj nën sipërfaqe dhe, guxoj të them, jam duke rënë në dashuri me ikonën, e cila, qoftë e dashur apo e përçmuar e definoi një epokë”.

Hit seriali i Netflixit do të pësojë ndryshime të kastit kryesor për serinë e tretë të ardhshme, ndërkohë që e eksploron dekadën e ardhshme të monarkisë, pas kulminacionit të sezonit të dytë në vitin 1964.

Olivia Colman do ta marrë përsipër portretizimin e njohur të Claire Foy të Mbretëreshës Elizabeth II, Tobias Menzies do ta zëvendësojë Matt Smith si Princi Philip dhe Emerald Fennell është Camilla Shand, e cila me kohë do të bëhet Camilla, dukesha e Cornwall. Helena Bonham Carter gjithashtu i bashkohet kastit si Princesha Margaret në vend të Vanessa Kirby.

Sezoni i tretë i “The Crown” publikohet më 17 nëntor, ndërsa seria e katërt është aktualisht në produksion. /KultPlus.com

Të ngjajshme