займ на карту онлайн потребительский кредит

Libri ‘My War Gone By, I Miss It So’ i cili sjellë histori nga Lufta e Bosnjës, bëhet film

27 Korrik, 2017 - 6:11 pm

Filmi, ‘My War Gone By, I Miss It So’ bazohet në librin e vitit 1999, me të njëjtin emër, të shkruar nga Anthony Loyd, gazetar anglez, i cili ishte korrespodent në luftën e fundit në Bosnje, shkruan KultPlus.

Filmi drejtohet, nga regjisori i njohur amerikan, Gavin O’Connor, ndërsa producent është Tom Hardy, i cili do të luaj edhe rolin kryesor në këtë film, shkruan ‘Variety’, përcjellë KultPlus.

‘My War Gone By, I Miss It So’ sjellë përvojat personale të Anthony Loyd, i cili si korrespodent, ishte pjesë e Ushtrisë së Britanisë, gjatë Luftës në Bosnje gjatë vitit 1999. Libri, së shpejti edhe film, poashtu sjellë edhe histori personale të autorit, si divorci i prindërve të tij dhe varësinë e tij nga droga.

‘My War Gone By, I Miss It So’ është një histori brutale, por e ndjeshme, tregon përvojën në një luftë dhe përvojën e varësisë nga droga. Më kanë lënë shumë përshtypje fjalët, përvojat dhe puna e Anthony. Mendoj që ai është një zë shumë i rëndësishëm dhe libri i tij poashtu është shumë i rëndësishëm, tha producenti i filmit, Tom Hardy.

Edhe regjisori i filmit, Gavin O’Connor tha se libri i Anthomy, i kishte pëlqyer shumë dhe i kishte lënë përshtypje të mëdha.

‘Libri i tij është thjesht një dashuri qysh në faqen e parë. Një tregim tejet personal që pasqyron konfliktin më të përgjakshëm në Evropë, që nga Lufta e Dytë Botërore. Në anën tjetër ai na jep një luftë të tijën personale me drogë. Ky është apokalipsi i Anthony. Ndihem i privilegjuar dhe i nderuar për mundësinë që ta sjellë librin në kinema’, tha Gavin O’Connor.

Autori i librit Anthony Loyd, ka lindur në një familje me traditë ushtarake, të ngritur mbi tregimet e paraardhësve, heronj të luftës. Kështu që edhe Anthony dëshironte të përjetonte luftën nga linjat e para. Ai la Anglinë në moshën 26 vjeç për të dokumentuar konfliktin në Bosnje, nga ku ai raportoi për një luftë vdekjeprurëse midis serbëve, kroatëve dhe myslimanëve boshnjakë. Nga adrenalina e luftës së armatosur, ai u kthye në shtëpi për të bërë tani një betejë personale kundër abuzimit me substancat. /KultPlus.com

Të ngjajshme