Melania Griffith, ylli i kinemasë mbush 60 vjeç

9 Gusht, 2017 - 2:34 pm

Aktorja Melanie Griffith sot shuan 60 qirinj. Ajo u bë e njohur në vitin 1988 falë “Një gruaje në karrierë”, komedi suksesi e Mike Nichols, që i dha dhe kandidaturën për çmimin Oscar.

Filmi i bëri të mundur publikut të gjerë të njihet me bukurinë e saj, plotësisht në kontrast me fizikun e dobët të bashkëprotagonistes Sigourney Weaver.

Nga ana profesionale, filmi nuk i hapi dyert e Hollivudit. Në 1990 recitoi në “Il falò delle vanità”, me regji të Brian De Palma, por ishte një dështim. I shkoi pak më mirë me filmat “La vita a modo mio”, në krah të Bruce Willis dhe “Amiche per sempre”.

Në 1999 një tjetër sukses duket sikur e mbyti. Bëhej fjalë për filmin “Pazzi in Alabama”, në të cilin regjisor ishte burri i saj i tretë Antonio Banderas (të martuar në 1996). Në përgjithësi e gjithë karriera e saj është e karakterizuar nga suksese dhe kritika. Situatën e përkeqësonin problemet me varësinë dhe jeta sentimentale e trazuar.

Tre bashkëshortë dhe katër martesa. E para nga katër dasmat ishte ajo me yllin e “Miami Vice” Don Johnson, kur ajo ishte vetëm 18 vjeç, por zgjati më pak se një vit. Burri i saj i dytë ishte aktori dhe producent Steven Bauer, me të cilin u martua në vitin 1982, dhe dasma gjithashtu shënoi periudhën e parë të qëndrueshme të jetës së tij. Bauer e ndihmoi atë të dalë nga vërsia dhe nga martesa e tyre lindi në 1985 Alexander Griffith Bauer.

Por, marrëdhëniet e tyre u ndërprenë në vitin 1987 dhe dy vjet më vonë Melanie u martua për herë të dytë me ish-burrin Don Johnson. Nga lidhja që zgjati 6 vjet, lindi ylli i “50 hijet e grisë” Dakota Johnson. Takimi në set me Antonio Banderas e çoi aktoren në divorcin e tretë dhe në martesën e katërt, në vitin 1996. Kjo ishte lidhja më e gjatë (19 vjet), nga e cila lindi vajzën e tretë Stella Banderas.

Problemet e varësisë e kanë persekutuar gjithmonë dhe në vitin 2009 u shtrua në një klinikë për detoksikim. Tani mbush 60 vjeç, ka arritur në atë që duhet të jetë mosha e diturisë. Ajo ka deklaruar se ka mësuar ta bëj një gjë: “Nuk dal më e frikësuar, kam mësuar të marr me vete forcën. Është çështje shkaku dhe pasoje”./ KultPlus.com

Të ngjajshme