Seria e animuar Mr.Bean do të rikthehet me sezonin e tij të 4 në vitin 2025.

Sezoni 4 i serialit të animuar ka rreth 11 episode dhe do të transmetohet në të gjithë Evropën, Lindjen e Mesme dhe Afrikën, në të gjithë Azinë Juglindore dhe Azinë Jugore në kanalet e fëmijëve

Ky sezon vihet në dispozicion pikërisht në kohën kur seriali përmbushë 35 vjet që nga transmetimi i tij i parë live.

Seriali i animuar Mr. Bean, ndjek veprimet e z. Bean dhe Teddy-t të tij, të cilët janë aventurierë.

Mr Bean, i bashkë-krijuar nga Rowan Atkinson dhe Richard Curtis u shfaq për herë të parë në formatin e tij origjinal live-action në vitin 1990, në 195 territore.

“Gjithmonë e kam shijuar këtë përsëritje të personazhit të Mr. Bean dhe liritë e veçanta që ai ka në formën e animuar. Ne mund ta çojmë atë në hapësirë ose në një minierë kallaji, pa pasur nevojë të vuaj personalisht pasojat. Procesi i animacionit në mënyrë krijuese është gjithmonë magjepsës dhe mezi pres që të mbërthehem shumë në serinë e re”, ka thënë Atkinson./21Media / KultPlus.com