займ на карту онлайн потребительский кредит

Prezantohet një pjesë e aktorëve të filmit “ZANA”

9 Janar, 2018 - 5:30 pm

Është bërë sot e ditur një pjesë e kastës së aktorëve që do të jenë pjesë e filmit ZANA – me regji nga Antoneta Kastrati.

Mensur Safqiu, Fatmire Sahiti, Shengyl Ismaili, Vedat Bajrami, Bislim Muçaj, Ilire Vinca, Çun Lajçi, Molikë Maxhuni, Besnik Krapi, Remzije Shala dhe Rozafa Çelaj janë aktorët e parë që janë prezantuar nga faqja e filmit në Facebook.

Në anën tjetër, të tjerë aktorë do të dihen ditëve në vazhdim, shkruan KultPlus.

ZANA do të nisë xhirimet në fund të këtij muaji ndërsa flet për përvojën e vet regjisores Antoneta Kastrati në luftën e Kosovës, si dhe kërkimet e saj në botën e shëruesve me magji.


Antoneta Kastrati


LUME është një grua shqiptare e cila jeton me burrin e saj, ILIRIN, dhe vjehrrën, REMZIJE, në një fshat në Kosovë.

Ajo e ka humbur fëmijën e saj të vetëm para 10 viteve në luftë dhe tani ajo është e përndjekur nga ankthet e natës dhe nuk mund të mbetet shtatzënë. Të dëshpëruar për një fëmijë, familja heq dorë nga medikamentet moderne dhe kërkon një shërues tradicional që mund ta kurojë atë.

Lumja viziton një shëruese magjik të fshatit dhe kjo veç sa e përkeqëson situatën e saj, pas rekomandimit për të sakrifikuar një kafshë, traumat e kaluara i thellohen edhe më shumë. Familja pas kësaj futet në borxhe të mëdha për ta dërguar Lumen tek shëruesi magjik më i njohur në Kosovë. Ai kryen një ekzorcizëm të hollësishëm dhe i paralajmëron ata se një shërues magjik i dyshimtë e ka mallkuar Lumen me magji të zezë.

Shpejt Lume mbet shtatzënë, me shpresën që ajo do të bëhet nënë përsëri. Por përgjatë shtatzënisë, tortura e të së kaluarës dhe sekreti i errët i kthehet që ta mundojë atë dhe foshnjën e saj të palindur.
Zana ishte një nga nëntë projektet që mori pjesë në programin MIDPOINT Feature Launch për 2017, dhe fitoi çmimin MIDPOINT Development Award and the Connecting Cottbus Award. / KultPlus.com

Të ngjajshme