Kishte pasiguri tek fansat se kur do të publikohej traileri i filmit ‘The Flash’, por kompania Warner Bros ka plotësuar dëshirën e artdashësve. Fansat ishin të shqetësuar se problemet në jetën private të aktorit kryesor Ezra Miller do të ndikonin në këtë projekt kinematografik.

Miller u akuzua në vitin 2022 për vjedhje, sulm të shkallës së dytë dhe për vepra të tjera penale. Mediat e huaja vunë në dukjen sjelljen gjithnjë e më paranojake të aktorit çka rriti shqetësimin tek fansat.

Filmi përqëndrohet tek personazhi kryesor ‘Flash’ një superhero i cili luhet nga ky aktor. Ai përdor fuqitë e tij të mbinatyrshme për të udhëtuar në kohë në mënyrë që të shpëtojë prindërit e tij.  

Flash ndihmohet nga dy superheronj të tjerë që luhen nga aktorët e tjerë si Ben Affleck dhe Michael Keaton. ‘The Flash’ do të shfaqet për publikun më 16 Qershor./ KultPlus.com