Edicioni i parë i “N’Altitude Festival” në Lëpushë

22 Shtator, 2021 - 8:00 pm

Në Lëpushë të Malësisë së Madhe do të mbahet në datat 1-3 tetor, edicioni i parë i “N’Altitude Festival”.

Ministrja e Shtetit për Mbrojtjen e Sipërmarrjes, Edona Bilali zhvilloi sot një takim me strukturat organizuese të këtij festivali për përgatitjet e fundit.

Bibali theksoi se, në këtë festival do të zhvillohen aktivitete të ndryshme për të njohur më tepër traditën dhe pasuritë natyrore të zonës.

Ajo shtoi gjithashtu se ky festival do të kontribuojë në zhvillimin e turizmit në qarkun e Shkodrës.

“Jemi gati për të mirëpritur në Lëpushë, Malësi të Madhe edicionin e parë të N’Altitude Festival, ku do të zhvillohen aktivitete të ndryshme për të njohur më tepër traditën dhe pasuritë natyrore të zonës”, u shpreh Bilali.

“Sot realizova një takim me strukturat organizuese për përgatitjet e fundit, ku gjeta rastin t’i falenderoj për punën dhe dëshirën për të kontribuar në zhvillimin e turizmit në qarkun Shkodër. U vura në dispozicion pasi ky aktivitet thekson jo vetëm karakteristikat e zonës, por ka edhe ndikim ekonomik. Ju mirëpresim në datat 1-3 tetor për të shijuar atmosferën, traditën dhe pamjet piktoreske”, tha Bilali./atsh/KultPlus.com

Të fundit

Të ngjajshme