займ на карту онлайн потребительский кредит

Fotoja e Bernie Sanders po thyen internetin, por çfarë thotë vetë 79 vjeçari

23 Janar, 2021 - 7:37 pm

Edhe pse ishte momenti më kulminant i betimit të Joe Biden si President i Shteteve të Bashkuara të Amerikës, një tjetër imazh ka bërë menjëherë xhiron e internetit.

Ky qëndrim i senatorit të Vermontit Bernie Sanders në karrigen e tij me një pardesy të gjatë dhe një palë doreza të trasha është kthyer në një sensacion të vërtetë.

Në rrjetet sociale janë qindra meme dhe fotomontazhe që e vendosin Sanders në vendet më të paimagjinueshme. Që nga filmat e famshëm deri në momentet më të rëndësishme të historisë.

Madje edhe në Shqipëri dhe Kosovë nuk kanë munguar fotomontazhet.

Vetë 79-vjeçari një figurë mjaft karizmatike në politikën amerikane ka rrëfyer për mediat amerikane se nuk e kishte pritur këtë reagim.

“Jo nuk e prisja. Unë thjesht isha ulur atje duke u përpjekur të ngrohem dhe po i kushtoja vëmendje asaj që po ndodhte. Sa i takon veshjes doja vetëm që të isha sa më ngrohtë”.

Sanders u dha përgjigje edhe kuriozitetit më të madh se ku i kishte gjetur dorashkat e çuditshme.

“Ato mi ka dhuruar një mësuese shkolle gjatë fushatës në Vermont. Ajo që është më e bukura është se edhe vetë ajo nuk e ka pritur një vëmendje kaq të madhe për dorashkat e saj”.

Sanders tha se i kishte parë shumë nga memet e famshme, por nuk zbuloi cila ishte e preferuara. Forbes zbuloi se kompania e prodhimit të pardesyve si ajo e Sanders shiti një ditë pas inaugurimit 2-fishin e 17 ditëve të marra së bashku përpara saj dhe se tashmë po e shet një kravatë me këtë imazh për 45 dollarë. /express/ KultPlus.com

Të ngjajshme