займ на карту онлайн потребительский кредит

Kina, vendi me më së paku mbiemra në botë

17 Janar, 2021 - 12:26 pm

Nëse e ndaloni një person në rrugët e Kinës, mundësitë janë që mbiemri i tij të jetë Wang, Li, Zhang, Liu ose Chen.

Këta janë pesë mbiemrat më të shpeshtë në Kinë të cilët i mbajnë më shumë se 433 milionë banorë, apo 30 për qind e popullatës, sipas të dhënave të Qeverisë kineze.

Kina, me 1,37 miliardë banorë ka popullsinë më të madhe në botë por njëkohësisht ka numrin më të vogël të mbiemrave, shkruan CNN, transmeton KultPlus.

Sipas Ministrisë së Sigurisë Publike, vetëm 6000 mbiemra janë në përdorim në të gjithë Kinën ndërkohë që 86 për qind e popullatës kanë 100 nga këta mbiemra.

Për të bërë një krahasim, në Shtetet e Bashkuara të Amerikës, me më pak se një të katërtën e popullsisë së Kinës, raportohet se ekzistojnë 6,3 milionë mbiemra.

Për këtë dallim mes Kinës dhe SHBA-së ka megjithatë një sqarim logjik pasi Kina ka më pak llojllojshmëri raciale se SHBA-të. / KultPlus.com

Të ngjajshme