Kosova do të përballet sot me Izraelin në kuadër të eliminatoreve të Kampionatit Evropian, shkruan KultPlus.

Ndeshja do të zhvillohet në stadiumin “Fadil Vokrri”, duke nisur nga ora 20:45.

Dardanët do të synojnë fitoren e tyre të parë në shtëpi, ndërsa Izraeli do të kërkojë të mbajë të gjalla shpresat për kualifikimin evropian.

Izraeli aktualisht mban pozitën e tretë në Grupin I, me 11 pikë, pas gjashtë ndeshjeve.

Ndërkohë, Kosova ka humbur shanset për kualifikim, aktualisht e pozicionuar në vendin e katërt me shtatë pikë.

Ndeshja kundër Izraelit fillimisht ishte planifikuar për në tetor, por u shty për shkak të luftës mes Izraelit dhe Hamasit. /KultPlus.com