Drejtoria e Përgjithshme e Arkivave sjell sot në kujtesë Ali Bakiun, kryebashkiakun e pare të Tiranës pas luftës.

Më 23 qershor të vitit 1937, është shkrepur kjo foto të cilën e bën publike DPA.

Ali Bakiu lindi më 20 tetor të vitit 1911. Në periudhën e mbretërisë së Ahmet Zogut ishte marrë me tregti dhe kishte kultivuar pasionin e tij për fotografinë.

Më 30 mars 1948, Gjykata Ushtarake e Tiranës e shpalli “fajtor” nën akuzën e “formimit të grupit me tendenca kundra pushtetit dhe për ta rrëzuar këtë me dhunë”, së bashku me Haki Karapicin, Irfan Pustinën dhe Imer Keçin.

Fillimisht, Bakiu u dënua me vdekje dhe me konfiskimin e gjithë pasurisë së tij, të luajtshme e të paluajtshme. Mirëpo, një muaj më pas, më 21 prill të po atij viti, duke i mbetur konfiskimit të pasurisë, Këshilli i Gjykatës së Lartë Ushtarake e reduktoi dënimin kapital në burgim të përjetshëm./ atsh / KultPlus.com