Mehmeti: Për çdo aksident me fatalitet do të kërkohet përgjegjësi duke filluar prej policisë e deri tek eprorët

8 Qershor, 2021 - 2:25 pm

Policia e Kosovës ka mbajtur konferencë për media lidhur me aksidentet me fatalitet që po ndodhin në vendin tonë.

Drejtori i Përgjithshëm i Policisë së Kosovës Samedin Mehmeti tha se kanë filluar të instalojnë një procedurë ku çdo aksident me fatalitet do të hetohet, madje ai tha se përgjegjësi për këto aksidente do të kërkohet edhe nga policia e deri tek eprorët për të kuptuar se a është mbuluar në mënyrë preventive  ajo rrugë ku ka ndodhur aksidenti.

“Ne kemi filluar me instalua një procedurë ku çdo aksident me fatalitet duhet të bëhen hetime nëse rruga është mbuluar në mënyrë preventive, nëse ka pasur patrulla të policisë të mjaftueshme, nëse ka pasur plane opoeracionale, nëse janë shqiptuar gjoba në atë rrugë çfarë gjobash janë shqiptuar. në përudhën në vijim ne do të kërkojmë përgjegjësi prej çdo njërit brenda policisë rreth aksidentit prej policit e deri tek eprorët,“- është shprehur Mehmeti. /AtvLive / KultPlus.com

Të fundit

Të ngjajshme