Orkestrat simfonike të ushtrive të Shqipërisë, Kosovës, vendeve të NATO-s e SHBA-së, me koncert bamirësie për Ukrainën

26 Nëntor, 2022 - 5:40 pm

 110-vjetori i Pavarësisë së Shqipërisë përkon njëherësh edhe me 110-vjetorin e krijimit të ushtrisë shqiptare.

Me këtë rast Ministria e Mbrojtjes dhe Forcat e Armatosura të Shqipërisë organizojnë për herë të parë në 3 dhjetor 2022, ora 19:00 në Pallatin e Kongreseve, koncertin madhështor “110 vjet Forca të Armatosura – Së bashku për paqen”.

Kryeministri Edi Rama në një postim në rrjetet sociale tha se “në koncert do të performojnë mbi 300 artistë nga Orkestra Simfonike e Forcave të Armatosura, Banda e Ushtrisë shqiptare si dhe Bandat e ushtrive të Kosovës, vendeve të NATO, si SHBA, Britania e Madhe, Franca, Italia, Greqia, Maqedonia e Veriut, Kroacia dhe Sllovenia”.

Rama bëri të ditur se të ardhurat e realizuara nga biletat do të shkojnë në mbështetje të familjeve me fëmijë të lënduar nga lufta në Ukrainë.

Kjo është hera e parë që një aktivitet i këtij dimensioni zhvillohet në Shqipëri. Mbështetës të këtij aktiviteti janë: Ministria e Kulturës, bashkia Tiranë dhe Ambasada e Ukrainës në Shqipëri./ atsh/ KultPlus.com

Të ngjajshme