Presidentja e Republikës së Kosovës, Vjosa Osmani, ka përkujtuar sot akademik Fehmi Aganin, në përvjetorin e vdekjes së tij.

“Sot, në përvjetorin e vrasjes së akademik Fehmi Aganit, përkujtojmë me nderim një prej mendjeve më të ndritura të rezistencës sonë paqësore”, u shpreh Osmani.

Tutje, ajo ka shtuar se Agani besoi te fuqia e vlerave njerëzore edhe në kohën kur bota heshti përballë krimeve të Serbisë në Kosovë.

“E vrau pikërisht ajo makineri gjenocidale serbe e cila frikësohej nga mençuria e tij që ngjallte shpresë. Kujtimi dhe vizioni i tij mbetet udhërrëfyes për brezat që besojnë se liria dhe dinjiteti mbrohen me çdo kusht”, është shprehur tutje presidentja./KultPlus.com