займ на карту онлайн потребительский кредит

Reagon AGK: Mungesa e zëdhënësit të qeverisë po e vështirëson punën e gazetarëve

21 Tetor, 2020 - 11:04 am

Asociacioni i Gazetarëve të Kosovës ka reaguar nëpërmjet një postimi për shfaqjen e vështirësive në punën e gazetarëve si shkak i mungesës së zëdhënësit të qeverisë Hoti, duke bërë thirrje që të emërohet një person në këtë post, shkruan KultPlus.

Asociacioni i Gazetarëve të Kosovës njoftuan se kanë pranuar shqetësime të shumta nga kolegët gazetarë dhe se mos emërimi i një zëdhënësi pas pesë muaj të formimit të Qeverisë është një praktikë e gabuar që duhet të ndërpritet.

“Sipas tyre po mungon komunikimi i duhur në mes të qeverisë dhe mediave për shkak se nuk po e kanë një adresë zyrtare politike se ku t’i drejtojnë pyetjet e tyre”, thuhet në postimin e AGK-së, që shpreh ankesat e gazetarëve.

Tutje Asociacioni i Gazetarëve të Kosovës i ka kërkuar Qeverisë Hoti që sa më parë ta emërojë një zëdhënës për hir të transparencës ndaj gazetarëve dhe qytetarëve të Kosovës./KultPlus.com

Të ngjajshme