Shfaqjen forum teatër dhe ekspozita “Fytyra e vërtetë” prezentohet nesër në Skenderaj

30 Qershor, 2021 - 5:30 pm

Artpolis – Qendra për Art dhe Komunitet në bashkëpunim me Komunën e Skenderajt,  prezanton shfaqjen forum teatër dhe ekspozitën e klubit teatror të të rinjve të Skenderajt me titull “Fytyra e vërtetë”, më 1 korrik, në ora 12:00, në Qendrën e Kulturës “Hasan Prishtina”.

“Fytyra e vërtetë”, synon të adresojë në veçanti ngacmimet seksuale nga personat me ndikim në institucionet arsimore dhe për t’u bërë thirrje gjithë akterëve që rastet e tilla nuk duhet të heshtën, përkundrazi viktimat duhet të përkrahen e ngacmuesit të marrin dënimin e merituar. Pas performancës do të hapet diskutim me publikun prezent për të trajtuar çështjen e adresuar.  

Ekspozita e të rinjve të Skenderajt do t’i paraprijë prezantimit të shfaqjes “Fytyra e Vërtetë”.

Aktorët që luajnë në këtë shfaqje janë Leonit Bahtiri, Elsa Kajtazi, Elisa Kajtazi, Donjeta Selimi, Flamur Kastrati, Arbenita Shatri, Bleart Sinani, Rinesa Kajtazi, Liridona Hyseni, Alketa Abazi.

Ndërkaq mentore përgjatë kësaj shfaqjeje janë Qëndresa Kajtazi, Donikë Ahmeti dhe Zhaneta Xhemajli./ KultPlus.com

Të fundit

Të ngjajshme