7 Gusht, 2025 - 5:30 pm
Më 7 gusht, Shtetet e Bashkuara shënojnë Purple Heart Day, një ditë përkujtimore që nderon ushtarakët amerikanë të plagosur apo rënë në vijën e frontit, të cilët janë dekoruar me Medaljen Purple Heart, një nga nderimet më të vjetra dhe më të respektuara në ushtrinë amerikane.
Kjo medalje simbolike ka një ngjyrë të veçantë vjollcë dhe portretin e George Washington-it, themeluesit të saj. Ajo u krijua më 7 gusht 1782 dhe vazhdon të mbetet një prej medaljeve më të ndjera, pasi nuk jepet për fitore, por për sakrificë.
Në këtë ditë, amerikanët në mbarë vendin kujtojnë ata që dhanë gjithçka për vendin e tyre – shpesh edhe jetën. Në shumë qytete, ndërtesa publike ndriçohen me ngjyrën vjollcë në nder të të dekoruarve.
Shqiptaro-amerikanët, të cilët kanë kontribuar ndër vite në forcat e armatosura të SHBA-së, po ashtu nderohen në këtë ditë, duke qenë pjesë e rrëfimeve të guximit dhe përkushtimit./KultPlus.com