Një aeroplan kapsulë e ”SpaceX Dragon” është shkëputur nga Stacioni Ndërkombëtar Hapësinor (ISS) për të kthyer tonelata të tëra nga materialet kërkimore në Tokë, deklaroi agjencia amerikane e hapësirës NASA.

Anija kozmike kaloi rreth një muaj të lidhur me postin hapësinor orbital përpara se të shkëputej në orën 17:05 (2205 GMT).

Kapsula do të ulet nesër në brigjet e Floridës.

NASA tha se kapsula po mbante tonelata me materiale kërkimore.

Ndër artikujt që kthehen në Tokë janë një jelek i veçantë i krijuar për të mbrojtur astronautët nga doza të larta rrezatimi dhe një studim mbi efektin e ekspozimit ndaj mjedisit hapësinor të vajit të  ullirit ekstra të virgjër.

Misioni i karburantit, i cili u nis nga Toka në fund të nëntorit, ishte i 26-ti i kryer nga ”SpaceX” në bashkëpunim me NASA-n.

Ndër furnizimet e dorëzuara ishin panelet diellore, një shumëllojshmëri e veçantë domatesh për të përmirësuar dietën në dispozicion të ekuipazhit në misionet e gjata dhe të ashtuquajturit ”Mikroskopi Hënor”.

”Ky i fundit është një komplet për diagnozën mjekësore gjatë fluturimit që përfshin një mikroskop portativ dore dhe një pajisje të vogël, të pavarur për ngjyrosjen e mostrave të gjakut”, tha NASA.

Misioni i parë i ”SpaceX” për furnizimin me ISS u zhvillua në vitin 2012./ atsh / KultPlus.com