Ka vdekur Shaban Shabanaj, njëri nga balerinët e gjeneratës së parë të balerinëve të Kosovës.

I lindur, në vitin 1950, në Jabllanicë të Gjakovës, në vitin 1968, u bë pjesë e grupit prej 25 të rinjësh, të cilët do të merrnin rrugën për në Shkup, për të diplomuar në Shkollën e Baletit në vitin 1972.

Shabanaj, së bashku me gjeneratën e balerinëve të parë të Kosovës, në po të njëjtin vit u kthyen në Prishtinë, për të vënë kështu themelet e baletit në Kosovë.

Shaban Shabanaj prej vitesh jetonte në Suedi, ku edhe ka dhënë frymën e fundit.

Baleti Kombëtar i Kosovës, ka shprehur ngushëllimet më të sinqerta për familjen, miqtë dhe kolegët e të ndjerit. / KultPlus.com