“Jeta e Re”, numri i fundit për këtë vit

3 Dhjetor, 2021 - 11:31 am

Posa ka dalë në qarkullim numri i tretë për këtë vit i revistës letrare të traditës “Jeta e re”. Revista fillon me rubrikën Dëshmi, në të cilën kemi autoren argjentinase Maria Esther Vasquez me shkrimin “Borges. Njeriu.. Shtëpia. Nëna”.

Ndërkaq, rubrika e prozës nis me tregimin “Ishulli pa ëndrra” të Arif Demollit, “ Tregime të natës” të Sali Bashotës, “Po sikur të kem qenë spijun”? të Stefan Çapalikut, “Vrasja e njeriut të ligjit” të Adil Ollurit dhe “ Zgjimi i Agarës” të Arif Kutleshit.Nga të huajt, me tregime të shkurtra vijnë dy autorë të njohur hiapanikë, Jorge Bucay dhe Sergio Raminez, pastaj shkrimtari i njohur suedez , Kjell Espmark, me “Mbrojtja e Hoffmannit”, Darko Cvijetiq me “Lifti i Shindlerit”dhe William Trevor me “ Nxënësi i mësueses së pianos”.

Në rubrikë e poezisë me nga një cikël poetik vijnë Alket Çani, Blerina Rogova Gaxha, Nurie Emrullaj, Murteza Osdautaj, Shpëtim Selmani, Dea Basha, Pol Valeri, me kryeveprën e tij “Varreza afër detit”, Alejandra Pizarnik, Davide Rondoni dhe David Vogel.

Ndëkaq, në rubrikën qendrore të revistës Dossier, në një hapësirë prej 55 faqesh,vjen shkrimtarja e njohur italiane Natalia Ginzburg. Ajo është përfaqësuar në këtë numër të revistës me një fragment romani, me tregime, poezi, ese, kujtime dhe publicistikë.

Te rubrika e kritikës vijnë: Jacques Derrida me “Ligji i zhanrrit” ( vijon nga numri i kaluar), Erich Auerbach me teksin “Figura” ( vijon nga numri i kaluar), Brian Boyd me “ Autorë të nënkuptuar dhe autorë të imponuar apo autorë aktualë”.

Nga autorët tanë kemi Arsim Canollin me “Dora e autorit: parë me një sy antropologjik”, “Hijeshia e formës” të Xhavit Beqirit dhe “Polisemia e veprës poetike “Zoti thotë ndryshe Adam” të Rrahman Dedajt nga Gentiana Bajrami-Atashi.

Përkthyesit që kontribuan në këtë numër janë: Bajram Karabolli, Muhamed Kërveshi, Arben Idrizi, Erion Karabolli, Edita Kuçi Ukaj, Alfred Beka, Arta Hallaçi, Ilir Breca dhe Qerim Ondozi./ KultPlus.com

Të ngjajshme