Lulzim Tafa dekorohet me Medaljen Presidenciale të Meritave

5 Tetor, 2018 - 11:23 am

Hashim Thaçi sot e ka dekoruar me Medalje Presidenciale krijuesin Lulzim Tafa.

“Me Medaljen Presidenciale të Meritave e dekorova krijuesin letrar Lulzim Tafa për afirmimin e letërsisë shqipe në botë. Çmimi ndërkombëtar “Mihai Eminescu” është e arritura më e re e z. Tafa, të cilin e përgëzova me urimin që të korrë suksese të reja në fushën e letërsisë dhe atë akademike. HTH”

Tafa para pak javësh fitoi një çmim të lakmuar në Rumani, e më pas erdhën edhe reagime të ndryshme nga qarqet letrare nëpër Evropë.

Shtëpi të njohura botuese nga mbarë bota kanë përkthyer dhe botuar librat e tij, kurse shkrimtarë e kritikë letrarë nga vendi dhe bota e kanë vlerësuar krijimtarinë e tij artistike. Për poezinë e Lulëzim Tafës, kanë shkruar dhe i kanë botuar ato edhe revistat më të njohura ndërkombëtare të fushës së letërsisë. Është njëri ndër poetët më të njohur dhe më të përkthyer të letërsisë shqipe në botë.

Disa nga librat e botuar në gjuhë të huaja janë: “Traumausstellung” në gjuhën gjermane, “Terrible songs” në gjuhën angleze në New York, ”Under manen sover tiderna” në gjuhën suedeze, ”Expozitie de vise” në gjuhën rumune, “La theorie de l’explication des reves”, në gjuhën frënge, “Vraziji Posao” në gjuhën boshnjake, “La cronica di unasantaGuerra” në gjuhën italiane, “Zavjet ne pjesme” në gjuhën malazeze,”Teuta” botim i dytë ne gjuhën rumune,”Dali Ti Imas Bolka” në gjuhën maqedone,etj.

Është anëtar i rregullt i Akademisë Evropiane të Shkencave dhe Arteve. / KultPlus.com

Të fundit

Të ngjajshme