Ngrihet “Këndi i Librit Ukrainas” në Bibliotekën Kombëtare

19 Gusht, 2022 - 3:45 pm

Në Bibliotekën Kombëtare u përurua “Këndi i Librit Ukrainas”.

Në ceremoninë e mbajtur me këtë rast, kanë marrë pjesë ambasadori i Ukrainës në Tiranë, Volodymyr Shkurov, dhe drejtori i Bibliotekës Kombëtare, Piro Misha.

Fondi i librave të këtij këndi, i cili i është dhuruar Bibliotekës Kombëtare, përfshin botime në gjuhën ukrainase dhe anglisht mbi historinë, identitetin dhe kulturën ukrainase dhe do të vijojë të pasurohet me botime të tjera.

Ngritja e “Këndi i Librit Ukrainas” vjen si pjesë e projektit “Rafti i librave ukrainas” i iniciuar nga Zonja e Parë e Ukrainës, Olena Zelenska, me qëllim shkëmbimin kulturor mes vendeve. /atsh / KultPlus.com

Të ngjajshme