Profesorja e Beijing Foreing Studiues University, Rui Y mbajti ligjeratën “Shpirti feminist në romanin “Ëndërr në pallatin e kuq”, të autorit të njohur kinez Cao Xueqin, i cili ka ardhur në gjuhën shqipe nën përkthimin e Diana Culit, nga botimet Dituria.

Ky aktivitet u organizua nga Qendra Kombëtare e Librit dhe Leximit me temë “Gratë në letërsinë botërore”, në një auditor me profesorë, autorë dhe studentë shqiptarë.

Nisur nga karakteret dhe ngjarjet e romanit “Ëndërr në pallatin e kuq”, Rui Y solli një vështrim mbi rrugëtimin e feminizmit në skenën letrare kineze dhe rolit që letërsia ka pasur në emancipimin e shoqërisë njerëzore.

Ky aktivitet ishte dhe një kujtesë për feministet si Eileen Chang, Lu Yin, Shi Pingmei, Ding Ling, deri tek autoret moderne të kësaj letërsie që erdhën përmes një diskutimi me panelistë të ftuar. / atsh / KultPlus.com