Shkrimtari Arbër Selmani përzgjedhet nga Departamenti i Shtetit Amerikan si një nga përfituesit e “IVL Impact Awards”

4 Korrik, 2022 - 6:47 pm

Shkrimtari Arbër Selmani është përzgjedhur nga Departamenti i Shtetit Amerikan si njëri nga përfituesit e “IVL Impact Awards” – Çmimet për Reagim IVLP 2022, me projektin ‘Një copë e jetës sime gjysmake’, përcjell KultPlus.

Me këtë rast ai do të realizojë ekspozitën e tij që ka për qëllim fuqizimin dhe përmirësimin e gjendjes së personave me aftësi të kufizuara (personave me nevoja të veçanta) në Kosovë, duke përdorë objekte/gjësende personale të tyre.

Më poshtë gjeni postimin e tij të plotë:

Jom i lumtur, sidomos sot, me e nda me juve lajmin që Departamenti i Shtetit Amerikan më ka përzgjedhë si njërin prej përfituesve të IVL Impact Awards – Çmimet për Reagim IVLP 2022, me projektin ‘Një copë e jetës sime gjysmake’.

Përmes një shume financiare që e ndan The US Department of State, unë do ta realizoj një ekspozitë që ka për qëllim fuqizimin dhe përmirësimin e gjendjes së personave me aftësi të kufizuara (personave me nevoja të veçanta) në Kosovë, duke përdorë objekte/gjësende personale të tyre. Për momentin jam në fazën e hulumtimit dhe konceptit kuratorial. / KultPlus.com

Të fundit

Të ngjajshme