Will Smith shpalos detajet e autobiografisë së tij, ‘Will’

22 Qershor, 2021 - 1:50 pm

Superylli ka bërë disa postime gjatë fundjavës në rrjetin social Instagram, në lidhje me autobiografinë e tij të ardhshme, të titulluar “Vullneti”, ku përmes një filteri në fytyrë, të cilën ai e ka përdorur në stilin e karakterit të Disney, ka vënë në dukje se atij po i duket e çuditshme për të folur rreth librit të tij të parë, shkruan CNN, transmeton KultPlus.

“Ka qenë një punë e dashurisë. Unë kam qenë duke punuar në të për dy vitet e fundit dhe më në fund është gati. “, ka thënë Smith.

Ndërsa në një video tjetër, artisti Brandan Bmike Odums shfaqet duke krijuar kopertinën për librin.

“Të gjithë duhet të shohin se si @bmike2c bëri artin për librin tim – ka nivele. 5 shtresa, secila duke përsëritur një fazë të ndryshme të jetës sime … E bukur!”, lexon mbishkrimi.

Tutje, aktori është shprehur falënderues ndaj porosive paraprake që i kanë ardhur atij në fillim rreth librit të tij.

“Unë i shoh të gjitha porositë tuaja paraprake në fillim të librit tim, faleminderit!!”, ka shkruar ai në një titull të dy fotove që tregonin se ai mban librin e tij.

Libri është planifikuar të dalë në treg më 9 nëntor. / KultPlus.com

Të ngjajshme