Asgjë Sikur Dielli është grup i njohur muzikor kudo ku ka shqiptarë.

Asgjë Sikur Dielli është bendi më aktiv i muzikës alternative në Kosovë. Përmes teksteve me metafora provokative, kryesisht me tema nga refleksi i jetës sociale dhe me një stil më të thellë, djemtë e grupit kanë krijuar një atmosferë autentike muzikore, duke arritur kështu që të bëhen shembull tipik i muzikës alternative kosovare.

Grupi u krijua kah mesi i të ’90-tave, kur Alban Nimani (vokalist) dhe Bujar Hundozi (kitarë) u takuan dhe vendosën që të punojnë së bashku.

Grupi sonte do të performojë në ROCKUZINË në kryeqytet. Mbrëmja fillon në ora 21:00