‘Beso n’mua se unë besoj n’ty, shiqo rrufenë drejt në sy’ (VIDEO)

5 Shkurt, 2022 - 11:55 pm

Grupi “Oda”, një prej bendeve më të pëlqyera kosovare, është formuar në vitin 1994 në Londër dhe është një rock band shqiptar i viteve ’90. Që nga viti 1998 kur edhe u publikua albumi i fundit, i titulluar po me këtë emër “1998”, grupi u shpërnda në të katër anët e botës, duke lënë pas vete hitet e pavdekshme të cilat i shoqëruan adhuruesit e tyre deri më sot.

Një ndër këngët e tyre të pavdekshme, është kënga “Beso në diell” e cila edhe sot dëgjohet me shumë nostalgji.

Anëtarët e Grupit “Oda” kanë qenë pothuajse të gjithë ish-anëtar të grupeve të njohura gjatë viteve të 80-ta në rock skenën kosovare si: Dukagjin Lipa, Labinot Krasniqi, Besim Hajdini, Asdren Rrahmani, Petrit Riza, Florent Boshnjaku, Besim Gashi-Babuka, Valon Gashi, Marcus McIrneney.

Në vitin 1995, Oda publikojnë albumin “Rrugë E Mbarë”. Ndërsa në vitin 1998, ata publikuan albumin “1998”.

Grupi Oda kanë qenë edhe pjesë e Top Fest 3 dhe 4

Në vitin 2010, 12 vite më vonë, formacioni i dikurshëm bashkon përsëri forcat, duke iu rikthyer skenës me këngën më të dëgjuar dhe më e kërkuar në radiot kosovare ‘Era’.

KultPlus më poshtë ju sjell tekstin dhe videon e këngës “Beso në diell”

Kur shtrëngata mbulon qytetin tonë
Mos u frikëso natën ti
Beso n’mua se unë besoj n’ty
Shiqo rrufenë drejt në sy

Pas çdo shiu, dielli do të nxej
Unë dhe ti të lirë do t’shiqojm lart
Dhe e dimë se nuk është, nuk është tmerr
Nuk është tmerr, por është shtrëngatë

Më beso se nuk je vetëm jo
Më beso të lutem ti
Më beso se do t’shkrij jetën

Dhe nuk do të jem larg nga ti

Beso në diell… (8 herë)

Shiu i ftohtë kur fytyrën ta mbulon
Vazhdo drejt ti, rrugë mos ndrro
Ngrite kokën dhe shiqo lart
Se nuk është tmerr, por është shtrëngatë

Pas çdo shiu, dielli do të nxej
Unë dhe ti të lirë do t’shiqojm lart
Dhe e dimë se nuk është, nuk është tmerr
Nuk është tmerr, por është shtrëngatë

Më beso se nuk je vetëm jo
Më beso të lutem ti
Më beso se do t’shkrij jetën
Dhe nuk do të jem larg nga ti

Beso në diell… (8 herë)./ KultPlus.com

Të fundit

Të ngjajshme