Ajo ishte vetëm 19 vjeçare dhe ende jo një yll i muzikës botërore.

Para se të debutonte me albumin e saj të parë, Amy Winehouse është fotografuar nga Charles Moriarty. Fotografi asokohe, në vitin 2003, nuk e ka pasur idenë se kë po e fotografonte, yllin e përmasave që më pas do të tejkalonin kufijtë.

Fotografi irlandez e fotografoi Amyn për albumin e saj të parë, FRANK, ndërsa vetëm dy vite më vonë ai do ta shikonte nga larg suksesin e legjendës Amy Winehouse.

Këto fotografi dalin për herë të parë, me Amy një vajzë të njomë dhe gati për famë, në librin e fotografit, BEFORE FRANK, ku ka rreth 50-të fotografi me Amy Winehouse.

Amy Winehouse do të bëhej një emër i njohur në muzikë. Hitet “Valerie”, “Back to Black” apo “Rehab” edhe sot janë pjesë e jetës së shumë njerëzve në mbarë botën, shkruan KultPlus.

“Ajo ka qenë një vajzë shumë e lezetshme, por edhe shumë naive. Ndoshta shumë njerëz nuk e kanë ditur këtë gjë, e të tjerët edhe me dashje, e kanë lënduar por edhe e kanë shfrytëzuar mirësinë e saj, çiltërsinë e saj” tregon fotografi derisa nuk e beson që Amy nuk ekziston më.

Amy Winehouse ka ndërruar jetë me 23 korrik të vitit 2011 në Angli. / KultPlus.com