займ на карту онлайн потребительский кредит

‘Dashnia që po m’thërret, kaherë ka perëndu veç n’andërr më mundon nganjëherë pa mëshirë’

19 Janar, 2021 - 11:02 pm

Fillimi i vitit 2020 mori me vete ikonën e muzikës shqiptare, Nexhmije Pagarushën, mirëpo këngët e saj vazhdojnë të dëgjohen e këndohen, pasiqë Pagarusha pas vetes la kryevepra artistike që nuk do të zhduken asnjëherë, shkruan KultPlus.

Kur flitet për Nexhmije Pagarushën, përdoren në një frymë shumë epitete si, Bilbili i Kosovës, Mbretëresha e Këngës Shqipe, Primadona e Melosit Popullor, e shumë epitete të tjera.

Repertori i saj interpretues është tejet i gjerë dhe i larmishëm. Veçohen këngët “Ani mori nuse”, “Kur më del në derë”, “Metelikun ta kam fal”, “Po të pres te dega e fikut”, “Mora testin”, “Kënga e Rexhës” etj.

“Baresha” është një ndër kryeveprat e interpretimit të saj që ruan elemente folklorik të këngës.

Mirëpo, sonte KultPlus ju sjell një këngë të Nexhmije Pagarushës, që edhe pse nuk është ndër të njohurat e saj, është një këngë e fuqishme që i flet me një mall të pashoq dashurisë.

Bashkangjitur gjeni videon dhe tekstin e këngës.

Ndalu njëherë dhe vetëm një çast
zani i tij prej së largu më thërret
Kam frikë mos është anderr thirrja e tij
Që këtë natë s’po më le me u qetësu

Dashnia që po m’thërret, kaherë ka perëndu
veç n’andërr më mundon nganjëherë pa mëshirë

Me mijëra dallëndyshe kur fluturojnë
Krith te ty dhe dashunia pushoj
Kam ftu një prej zogjëve me më shoqnu
zemrën time të njomë me ndryshu.
 / KultPlus.com

Të ngjajshme