Elsa Lila dhe Fanfara Tirana festojnë në Pallatin e Kongreseve (VIDEO)

28 Dhjetor, 2017 - 5:08 pm

Elsa Lila gjithmonë ka ditur të sjellë magjinë në skenë. Një prej këngëtareve shqiptare më të arritura dhe një fituese e disa festivaleve në Shqipëri, Elsa gjithmonë e ka ruajtur pozitën e saj të respektuar si një vokal i mirë dhe që transmeton emocionin.

Po kthehemi sot në një kohë kur Elsa u bashkua për një performancë sa spontane aq edhe të mahnitshme me Fanfara Tirana, shkruan KultPlus.

Elsa solli “Margjelo”, në versionin shqip dhe më pas edhe në një frëngjishte simpatike, në Festivalin e Fundvitit në Radio Televizionin Shqiptar, në dhjetorin e vitit 2008.

Ajo në skenë realizon edhe një dialog me publikun. Elsa ka marrë pjesë në Festivalin e TVSH-së në vitin 1996 dhe 1997 ndërsa ka triumfuar në të dyja tentimet e saj. Elsa Lila ka marrë pjesë dy herë në Sanremo në Itali. / KultPlus.com

Të ngjajshme