Eugent Bushpepa do të këndojë në festën e Eurovizionit në Londër

24 Shkurt, 2018 - 1:52 pm

Këngëtari Eugent Bushpepa do ta promovojë këngën e tij në Londër, shkruan KultPlus.

London Eurovision Party është një organizim ku këngëtarët e Eurovizionit të këtij viti kanë mundësi të performojnë dhe promovojnë këngët e tyre përfaqësuese.

Eugent Bushpepa do të këndojë këngën “Mall” në këtë festë të muzikës, me datë 5 prill.
Bushpepa po pëlqehet dhe kënga e tij mund të arrijë sukses në këtë festival të madh evropian të muzikës.

Bushpepa ka premtuar se kënga “Mall” në skenën e Eurovizionit, në Portugali, do të këndohet në gjuhën shqipe. Kujtojmë se çdo paraqitje e Bushpepës para festivalit nënkupton një promovim të këngës së tij tek fansat në Evropë.

Kënga e Shqipërisë ka qenë e para këngë që është ditur si pjesëmarrëse në Eurovizion. Deri sot mbi 15 shtete kanë zgjedhur këngët përfaqësuese, ndërsa të tjera shtete pritet të zgjedhin këngët e tyre deri në muajin maj kur edhe mbahet Eurovizioni. / KultPlus.com

Të fundit

Të ngjajshme