Kosova Brass Festival sonte sjellë mbrëmjen e fundit koncertale

18 Dhjetor, 2017 - 4:22 pm

Orkestra e Festivalit “Kosova Brass”, do të përmbyll sonte edhe edicionin e dytë të tij me orkestrën e këtij festivali të dirigjuar nga dirigjenti amerikan, Gregory Jones, shkruan KultPlus.

Në këtë koncert po ashtu do të interpretojë edhe organizatori dhe trumpetisti i njohur kosovar, Avni Krasniqi kurse në korno do të interpretojë Bledar Bujupi.

Ky festival i cili ka filluar më 30 nëntor, ka arritur të sjellë instrumentistë të njohur nga Kosova, Shqipëria, Gjermania, Republika Çeke dhe Amerika, në mesin e tyre është dhe trumpetistin me renome botërore, gjermanin Otto Sauter i cili javën e kaluar interpretoi me Piccolo Trumpetë, i shoqëruar nga kuarteti i harqeve i udhëhequr nga violinisti kosovar Visar Kuçi.

Po ashtu edhe këtë vit, festivali u ka kushtuar rëndësi të veçantë studentëve dhe nxënësve të tunxhit në vend, pasi që gjatë gjithë kohës janë mbajtur masterklase për studentët me pjesëmarrës e festivalit.
Mbrëmja e fundit vjen sonte më 18 Dhjetor, me fillim në ora 19:00 në Amfiteatrin e Bibliotekës Universitare. / KultPlus.com

Të fundit

Të ngjajshme