Manastiri i Zvërnecit ‘ndez’ shpirtrat e turistëve përmes muzikës

29 Korrik, 2018 - 11:30 pm

Manastiri i Zvërnecit është kthyer mbrëmë në një skenë e një koncerti simfonik, që ka argëtuar turistët vendas e të huaj.

Në koncertin që u udhëhoq nga dirigjenti spanjoll Ricardo Casero interpretoi artisti shqiptar rezident në Itali Aulon Naci, sopranoja Nina Muho si dhe muzikantë të tjerë. Koncertin e rrallë për këtë ishull e ka ndjekur edhe kryeministri Rama i shoqëruar nga bashkëshortja, Linda.

Manastiret janë vende mistike. Pak kush do të donte t’i vizitonte natën. Por një grup artistësh të zhanreve të ndryshme kanë rrëzuar të gjitha mitet, duke elektrizuar shpirtrat e turistëve në Manastirin e Zvërnecit me koncertin “Tinguj jete mes Tokës dhe Detit”.

Vizitorët nuk kanë qenë të zakonshëm. Kryeministri dhe bashkëshortja e tij kanë ndjekur këtë koncert së bashku me zyrtarët lokalë e dhjetëra të tjerë, vendas e të huaj, që kanë ndjekur me kërshëri këtë event. Ky aktivitet është një ndër dhjetëra të tilla që bashkitë dhe qeveria po organizojnë për ta bërë sezonin turistik tërheqës për ata që zgjedhin të kalojnë pushimet e tyre në Shqipëri.

Kryebashkiaku Leli tha se ishulli i Zvërnecit falë investimeve është kthyer në destinacion edhe për këmbësorët në çdo orë.

“Për here te pare ne ishullin e Zvernecit fale investimit dhe ndërtimit te urës qe lidh pjesën tokësore me ishullin për here te pare kemi sjelle ne ishull nje piano, ne ishull me një orkestër simfonike nga te gjithë muzikantet e larguar apo ata qe jetojnë këtu nen udhëheqjen e dirigjentit Aulon Naci”, tha ai, raporton shqiptarja.com. /KultPlus.com

Të ngjajshme