‘Nëntori, ma mori mua dashurinë e parë!’ (VIDEO)

1 Nëntor, 2021 - 1:39 pm

Arilena Ara është këngëtarja e re që arriti të depërtojë shpejt në skenën muzikore, ndërsa hovin e suksesit e arriti pikërisht me këngën “Nëntori”, me të cilën u paraqit në festivalin “Kënga magjike”, shkruan KultPlus.

Kënga që në çdo tingull e fjalë shpalosë ndjenjën e këngëtares, arriti të prek shpejtë publikun veçmas ata që ky muaj u ka lënë një boshllëk. Këtë baladë këngëtarja Ara ia kushtoi babait të saj. Pasi që kënga u mirëprit nga publiku, këngëtarja Arilena Ara shumë shpejtë e realizoi një version edhe në gjuhën angleze ndërsa kënga e saj arriti shumë shpejtë të depërtojë edhe jashtë Kosovës.

Muzika dhe produksioni i kësaj këngë është punuar nga Darko Dimitrov kurse teksti është shkruar nga Lindon Berisha.

Arilena Ara është fituese e edicionit të dytë i “X Factor Albania”.

Më poshtë KultPlus ua risjell tekstin dhe videon e këngës ‘Nëntori’:

Lotët më janë tharë
Buza mu bë varr
Dielli nuk më ngroh
Dielli nuk më ngroh
Dhimbje sa një mal
Zemra nuk ma fal
Ty më nuk të shoh
Ty më nuk të njoh


Mallkuar qoftë ky muaj që më la të vetme përgjithmonë
Nëntori, ma mori mua dashurinë e parë!
Nuk e dua këtë muaj më në kalendar!
Nëntori, ma mori, u shua dhe ky zjarr, nëntoriiiii..


Ishin plot me zjarr
Muajt n’kalendar
Kur ishim ne bashkë, sa ishim ne bashkë
E lumtur duke qarë
Pas teje si e marrë
Gjithëve ua thashë, për ne të dy ua thashë


Mallkuar qoftë ky muaj që më la të vetme përgjithmonë
Nëntori, ma mori mua dashurinë e parë
Nuk e dua këtë muaj më në kalendar
Nëntori, ma mori, u shua dhe ky zjarr


Nuk e dua më ktë muaj, nuk e dua më ktë muaj
Nëntori, nëntori, nëntori


Vitin më t’bukur shkatërroi
Vulën e hidhur shkaktoi
Ky muaj i gjori, t’gjitha mi mori
Në djall le të shkojë
Nëntori
Nuk e dua këtë muaj më në kalendar!
Nëntori, nëntori, nëntori

Nuk e dua këtë muaj, nuk e dua këtë muaj
Nëntori, ma mori, nëntori
Mallkuar qoftë ky muaj që më la të vetme përgjithmonë
Nëntori, ma mori mua dashurinë e parë
Nuk e dua këtë muaj, nuk e dua më ktë muaj
Nëntori, nëntori, nëntori
./KultPlus.com

Të fundit

Të ngjajshme