Nga viti i ardhshëm shkollat franceze do të kenë kore, por jo edhe telefona celularë

12 Dhjetor, 2017 - 1:10 pm

Qeveria franceze ka njoftuar se telefonat celularë do të ndalohen në shkollat franceze në fillim të shtatorit të vitit 2018, dhe se koret do të futen gjatë dy viteve të ardhshme, përcjellë KultPlus.

Ky veprim ka qenë pjesë e fushatës së presidentit francez Emmanuel Macron, por deri më tani nuk është dhënë asnjë datë për zbatimin e ndalimit, kurse të dielën, ministri francez i arsimit Jean-Michel Blanquer tha se telefonat celularë do të ndalohen në shkolla që nga fillimi i vitit të ardhshëm shkollor.

Telefonat celularë tashmë janë të ndaluar të përdorën në klasë në të gjitha shkollat fillore franceze dhe në katër vitet e para të shkollës së mesme. Qeveria franceze dëshiron të shtrijë ndalimin edhe në pjesën tjetër të mjedisit shkollor.

“Telefonat celularë mund të jenë të nevojshëm për qëllime arsimore ose në raste urgjente, prandaj është e rëndësishme që përdorimi i tyre të jetë i kufizuar”, ka thënë mes të tjerash ministri Blanquer.
Të hënën, qeveria njoftoi edhe për një ndryshim për vitin e ardhshëm shkollor: tingulli i ziles do të zëvendësohet me zërat e njerëzve. Deri në shtator 2018, të gjitha kolegjet e Francës do të kenë korin e tyre, ku fëmijët do të kenë mundësinë të këndojnë dy orë në javë. Aktualisht, një nga katër shkollat franceze ka një kor. “Ideja është që kultura të futet brenda klasave për një periudhë më të gjatë”, ka thënë të dielën ministri i kulturës Françoise Nyssen./ KultPlus.com

Të fundit

Të ngjajshme