Është liruar reperi i njohur Action Bronson. Policia e Kosovës njofton se mbrëmë në parkun e Gërmisë është ndaluar personi me inicialet A.B nën dyshimin se është hasur në posedim dhe duke konsumuar substancë të dyshuar narkotike.

Zëdhënësi i policisë së Kosovës, Baki Kelani për rtv21.tv ka bërë të ditur se A.B në shoqërimin e njësive policore është dërguar në stacion policor për intervistim dhe procedura të mëtutjeshme policore. “Pas intervistimit me urdhër të prokurorit kompetent i njëjti është liruar”, është shprehur Kelani për rtv21.tv

Action Bronson mbrëmë është arrestuar nga Policia e Kosovës, gjatë performancës së tij në festivalin “Sunny Hill” që është organizuar në Parkun e Gërmisë në Prishtinë. /21Media