Rita Ora: Jam shumë e lumtur që do të jem në Tiranë

9 Maj, 2018 - 10:31 am

Stina e verës në Tiranë do të jetë e mbushur me koncerte dhe një fakt i tillë është paralajmëruar herët.

Një nga këngëtaret e njohura që pritet të elektrizojë “Sheshin Skënderbej” është edhe këngëtarja nga Kosova Rita Ora.

Ajo do të rikthehet në këtë shesh pas 6 vitesh kur në 2012 performoi për 100-vjetorin e Pavarësisë. Përmes një statusi në Facebook, Ora është shprehur më e lumtur se kurrë për këtë koncert.

“Shumë e lumtur që do të jetë jem në Tiranë, kryeqyteti në Shqipëri, i cili është gjithnjë në ndryshim, për një shfaqje të madhe më 3 qershor në “Sheshin Skënderbej”. Mezi pres të festoj me të gjithë ju,-Tirana Rocks!,”-përfundon Rita.

Veç saj emra të tjerë të njohur priten të performojnë në shesh si Ermal Meta, Daddy Yanke, Dua Lipa, Martin Garrix etj./ KultPlus.com

Të fundit

Të ngjajshme